Prófaðu, ekki giska!

Heilsan okkar er dýnamísk. Allar breytingar á lífsstíl okkar, mataræði eða daglegum venjum geta haft áhrif á næringarupptöku okkar og hvernig við bregðumst við mat. Niðurstöður úr fyrsta prófinu gefa þér grunnupplýsingar um núverandi ástand þitt og innsýn í næringarjafnvægi þitt. Seinna prófið mælir framfarir þínar og þú færð prófið sent sérstaklega eftir fjóra mánuði. Þar sem það tekur frumur líkamans í kringum 120 daga að endurnýja sig er þetta kjörinn tími til að kanna viðbrögð líkamans við næringarefnunum og nýta tækifærið til að aðlaga inntökuna, ef lífsaðstæður þínar hafa breyst. Með því að fylgjast reglulega með því hvernig líkami þinn bregst við fæðubótarefnunum sem þú tekur, færðu fullvissu um að þú sért að styðja við heilsu þína og að vörurnar geti hjálpað þér á þeirri leið.

Já. Nákvæmni og vægi allra okkar nafnlausu og vísindalegu heimaheilsuprófa stenst ítrustu kröfur læknisfræðilegra rannsókna. Öll blóðsýni fá sérstaka meðferð þar sem þau eru greind á nafnlausan hátt af Vitas, sem er óháð GMP-vottuð rannsóknarstofa í Osló í Noregi, sem leigir út þjónustu sína til efnagreininga og er með 25 ára reynslu af því að framkvæma hágæða, sérsniðnar litskiljunargreiningar sem byggja á nýjustu þekkingu og tækni. Vitas nýtur viðurkenningar sem leiðandi aðili á sviði þurrblóðdropaprófa og á rætur að rekja til næringarfræðideildar Institute of Basic Medical Sciences við Háskólann í Osló, stærstu næringarfræðideildar í Evrópu. Fyrirtækið hefur einnig unnið með Alþjóðaheilbrigðismálastofnuninni.

Þú getur tekið heilsuprófin okkar hvar og hvenær sem er. Þú þarft ekki að fasta. Þegar þú tekur prófið aftur, skaltu reyna að gera það við sömu aðstæður og í fyrra skiptið til að fá sem bestan samanburð. Það ætti aðeins að taka nokkrar mínútur að taka prófið og leiðbeiningarnar eru skýrar og einfaldar. Gættu þess að lesa þær vandlega frá upphafi til enda áður en þú byrjar. Veldu þann tíma sem hentar best til að taka heilsuprófið. Þvoðu hendurnar og veldu fingurgóm sem þú þrífur líka vel með meðfylgjandi sprittþurrku. Stingdu fingurinn með stungunálinni og láttu nokkra dropa af blóði leka á meðfylgjandi síupappír. Láttu blóðdropana þorna í 10 mínútur áður en þú lokar sýnaspjaldinu. Taktu ljósmynd af ID-prófnúmerinu þínu og skráðu það nafnlaust á netinu áður en þú sendir sýnið þitt. Til að fá frekari upplýsingar um blóðprufuferli Zinzino skaltu fara inn á zinzinotest.com.