Heilbrigð áramótaheit til að byrja árið 2023

Jafnvægi er lykillinn að góðri heilsu og lífsánægju. Of mikið af hverju sem er getur komið vellíðan þinni úr jafnvægi (og við erum ekki bara að tala um mat). Þegar þú kortleggur áramótaheitin þín skaltu nota „lífshjólið“ (markmiðahjólið) til að ná jafnvægi í öllum mikilvægum þáttum lífs þíns.

Skilgreindu nýju markmiðin þín með því að flokka þau í eftirfarandi flokka: Heilsa, sambönd, starfsferill, persónulegur vöxtur, fjármál, sköpunargleði, skemmtun og efnislegt umhverfi.

Þú getur skoðað hvern flokk með augum vellíðanar og jafnvel horft út fyrir heilsumarkmiðin þín. Gerðu 2023 að árinu sem þú setur heilsu í forgang í öllu sem þú gerir – nærandi samböndum, jafnvægi milli vinnu og einkalífs, vaxandi eignum, tilfinningalegum og andlegum framförum og venjum sem hjálpa þér að lifa vel.  

Nýjar venjur á nýju ári

Til að setja þér ný markmið fyrir árið sem er framundan er mikilvægt að líta til baka á árið 2022. Hvað gekk vel og hvað ekki? Hvað metur þú núna? Hvernig lítur draumalífið þitt út? Hvað mun hjálpa þér að færast nær þessari langtímasýn? Hvað er viðvarandi barátta og hver getur stutt vöxt þinn á þessu sviði?

Tileinkaðu þér þetta hugarfar íhugunar svo þú vitir hvert þú stefnir þegar þú byrjar að kortleggja nýju venjurnar þínar.

Þú þarft að tileinka þér margar venjur ef þú vilt verða heilbrigðari. Sjálfsvitund mun hjálpa þér að velja þær venjur sem munu styðja við nýju markmiðin þín. Segjum að eitt af markmiðum þínum sé að léttast um 5 kíló. Veldu nokkrar venjur sem munu hjálpa þér að ná þessu markmiði. Til dæmis, „gakktu 10.000 skref á dag“ og „eldaðu 80% máltíða, keyptu 20%“.

Nýársmataræði fyrir betri heilsu, fjárhag og hamingju 

Þegar kemur að heilsuáformum þínum munu skýr næringarmarkmið hjálpa þér að líta vel út og líða vel. Borðaðu til að fá orku og gættu vel að því hvað þú eldar og borðar.

Ákvarðaðu persónulegar matarþarfir þínar. Þú þarft að vita hvað á að varast og hvað þú ættir að borða meira af. Notaðu nýja árið til að láta athuga vítamínin og steinefnin þín, og Omega-6:3 hlutfallið þitt.

Taktu fitusýrupróf til að athuga hvort þú þurfir að bæta fleiri omega-3 fitusýrum við daglegt mataræði þitt. „Hannaðu“ heilbrigða mataráætlun þína í kringum alla þessa mismunandi þætti. Hún þarf ekki að vera ósveigjanleg eða óraunhæf – settu þér bara markmið og mörk til að leiðbeina mataræði þínu.

Settu til dæmis saman lista yfir „uppáhalds“ matvælin þín, vertu með nokkrar uppskriftir á hreinu, veldu þá tíma dags sem þú munt borða og hversu oft þú eldar í stað þess að fara út að borða. Þú mátt búast við að þessar ráðleggingar breytist eftir því sem venjurnar og kröfurnar þínar breytast – þær eru bara leiðarvísir í átt að markmiði þínu.

Líkamsræktarmarkmið fyrir nýja árið 

Önnur stoðin í heilsumarkmiðum þínum er líkamsrækt. Þegar þú hefur skilgreint heilsumarkmiðin þín geturðu tamið þér venjur til að hjálpa þér að ná þeim. Líkamsræktarvenjurnar þínar ættu að endurspegla þá hreyfingu sem þú hefur mest gaman af – hvort sem það er líkamsræktarstöðin, líkamsræktartímar, göngur, útivist, sund, lyftingar eða einkaþjálfun. Veldu eina til þrjár líkamsræktarvenjur. Til dæmis, „velja 3 æfingar til að gera á viku“ og „fara í eina göngu úti í náttúrunni á mánuði“.

Ráðleggingar fyrir gleðilegt og heilbrigt nýtt ár

Auðvitað eru margar aðrar leiðir til að fjárfesta í vellíðan þinni. Eyða meiri tíma með fjölskyldu og vinum, sýna þakklæti, stunda hugleiðslu, fá góðan svefn, fara í stafræna afeitrun, vinna í óuppgerðum tilfinningum með meðferðaraðila, borða heilfæði, nota náttúrulegar vörur, fjárfesta í námi, gerast sjálfboðaliði og finna tilgang.

Að setja sjálfan sig í fyrsta sæti

Að huga að eigin líðan er ekki aðeins gagnlegt fyrir andlega og tilfinningalega heilsu þína. Það mun veita þér rými og vitund til að forgangsraða því sem er mikilvægast. Í upphafi árs er freistandi að setja sér of mörg markmið. Dagleg hugleiðsla, ígrundun og „tómarúm“ getur gert þér kleift að endurkvarða og endurstilla þig.

Samhliða næringu og hreyfingu skaltu temja þér sjálfsumönnunarvenjur sem hjálpa þér að ná markmiðum þínum. Það þýðir ekki að þú þurfir að eyða mörgum klukkustundum á jógadýnunni á hverjum degi – það gæti einfaldlega verið fólgið í því að taka frá kvöld eða síðdegi fyrir sjálfa/n þig í hverri viku. Farðu í bað, lestu bók, fjárfestu í áhugamáli, farðu í nudd og gerðu hvaðeina sem róar taugakerfið.

Þótt nýársheitin séu strengd í janúar, þá er nauðsynlegt að taka stöðuna á þeim í hverjum mánuði (þar sem þau munu án efa breytast). Líttu á þau sem vegvísi fremur en óbreytanlega mælikvarða til að meta árangurinn þinn. Hugleiddu framfarirnar þínar og umfram allt njóttu ferðalagsins!